Iria

Ola!

Son Iria Ribadomar, son pintora e debuxante galega. Nacín en Cambados e resido en Compostela. Estudiei dous Ciclos Superiores de Artes Plásticas e Deseño na escola Mestre Mateo: "Proxectos e Dirección de Obras de Decoración" e "Arquitectura Efémera". 

Despois de traballar un tempo coma deseñadora de interiores, no 2009 solicito o "Permiso para a Realización de Actividades Artísticas na Vía Pública" e comezo a amosar as miñas obras de xeito habitual nos Soportais de Correos, o espazo para a arte de rúa da Zona Vella. Durante 10 anos estiven ahí pintando, debuxando e expoñendo xunto con outr@s moit@s artistas e isto supuxo unha gran oportunidade para aprender, experimentar, coñecer e compartir experiencias c@s compañeir@s e á vez, ter un contacto directo con público de tódalas partes do mundo.  

Podes atopar información actualizada sobre as miñas obras e proxectos nas miñas redes sociais: 

 instagram · facebook · twitter 


No 2013 creo, xunto con Melina Sinópoli, "Deica! Creacións", un proxecto de obra gráfica e complementos arredor da cultura galega co que trato de sintetizar, a través da ilustración, o que para min é a nosa identidade xerando iconografía que favoreza súa difusión. Materialízase en forma de láminas e lenzos, complementos de xoiería (colgantes, pendentes, aneis, pulseiras broches ou chaveiros) e outros formatos coma camisolas, bandeiras e libros para pintar. Podes atopalo todo na "Tenda Online" e seguir o día a día do proxecto nas súas redes (instagram · facebook · twitter)




iriaribadomar@gmail.com 


Exposicións:  

  • 2003 - Exposición colectiva itinerante "II MOSTRA CUADRANTE NORTE" (Vilagarcía)

  • 2009 - Exposición colectiva homenaxe a Cabanillas "CORES PARA CABANILLAS" (Cambados)

  • (2009 - 2019) - Exposición efémera na rúa (Soportais de Correos - Santiago de Compostela)

  • 2012 - Exposición colectiva "SAUDARTE" (Cambados)

  • 2013 - Exposición colectiva "CONEXIÓNS" (Vilagarcía)

  • 2013 - Exposición colectiva ARTEFACTOSALNÉS "PÍNTAO DE ROCK" (Cambados)

  • 2013 - Exposición individual "INICIACIÓN EN LAS CIENCIAS FÍSICONATURALES" (Estudio Ela Interiorismo, Compostela)

  • 2013 - Exposición individual "ENCONTRO" (Café Avenida, Cambados)

  • 2014 - Exposición colectiva ARTEFACTOSALNÉS "SON DE CAMBADOS" (Cambados)

  • 2014 - Exoscición con Annika Fernández (Mobles Otero, Cambados)

  • 2014 - Exposición individual (Café Saboy, Pontevedra)

  • 2017 - Exposición colectiva "CASE NADA EN COMÚN" (Centros socioculturais do Concello de Compostela : Vite (Maio), Ensanche (xuño), Castiñeiriño (Setembro/Outubro))

  • 2018 - Exposición individual (A de Lupe, Cambados)

  • 2018 - Exposición individual ("Encontro da Artesanía Tradicional e Popular de Galicia", Agolada)

  • 2018 - Exposición individual (Vida a Granel, Nigrán)

  • 2019 - Exposición colectiva de ilustración galega da AGPI (12ª Encontro Internacional de Ilustração de São João da Madeira, Portugal)

  • 2019 - Exposición individual "Colleita" (Exposalnés, Cambados)

  • 2020 - Exposición colectiva "Corentena" ( Pazo de Torrado, Cambados)